Themâu
Gan fod cymaint o gyfoeth o olion archaeolegol ledled Cymru, mae modd ymchwilio i storïau ei thrigolion o’r cyfnodau cynharaf hyd heddiw. Am filoedd o flynyddoedd mae pobl wedi gadael cliwiau y gallwn ni eu defnyddio i geisio deall eu bywydau.
Mae gwaith y Comisiwn Brenhinol ledled Cymru yn esgor ar gasgliad unigryw o gofnodion sy’n gallu dangos, er enghraifft, sut y bu pobl ar un adeg yn byw, yn gweithio, yn masnachu ac yn addoli, sut y datblygodd eu dulliau cludo a sut yr effeithiodd gwrthdaro ar eu bywydau, yr hyn a wnaent yn eu hamser hamdden a sut yr oeddent yn ymdrin â marwolaeth.
Mae’r wybodaeth a gasglwn yn esgor ar adnodd sy’n amhrisiadwy wrth ymchwilio i themâu ac agweddau ar hanes Cymru. Cewch wybod rhagor drwy fynd i Coflein ac ymweld â’n tudalen Cyhoeddiadau.